Nin tooreey ku dilay dalxiisayaal ku sugan dalka Masar oo gacanta lagu dhigay

Wasaaradda Arrimaha gudaha ee dalka Masar ayaa sheegtey in gacanta lagu dhigey qofkii weerarka geystey.

Laba qof oo u dhashey dalka Jarmalka ayaa la diley afar kalena waa la dhaawacay kadib weerar mindi loo adeegsadey oo ka dhacay magaalada fasaxa loo tago ee Al-Qardaqah ( Hurghada) ee dhacda xeebta badda cas.

Gen. Mohamed El-Hamzawi oo ah madaxa amniga gobolka dhaca Badda cas ee dalka Masar ayaa wakaaladda wararka ee Reuters u sheegay dhimashada laba qof kuwaas oo dhalahsadoodu tahay Jarmal. Warar kale oo ay qoreen warbaahinta qar ayaa sheegaya in afarta qof ee la dhaawacay laba kamid ah ay u dhasheen Jamhuuriyadda Czeck.

Sida uu sheegay telefishanka laga lee yahay dalka Jarmalka ee DW, wasaaradda arrimaha dibadda ee Jarmalku weli ma caddeyn magacyada dadka la diley iyo kuwa la dhaawacay.

Sanadkii hore 2016 bishii Janaayo ayey ahayd isla magaaladan Hotel ku yaala in werar mindi ah lagu qaadey dalxiisayaal, waxaana toorey la galiyey saddex kamid ah.

Dalka Masar oo dhaqaalihiisu si weyn ugu xirnaa dalxiiska ayaa waxaa si weyn hoos ugu dhacay suuqa dalxiiska, laga soo bilaabo kacdoonkii Masar, waxaana muddooyinkii danbe si tartiib ah dib ugu bilaabanaayey dalxiiska iyada oo dalxiisayaashu si weyn u jecel yihiin dalka Masar.

You might also like More from author