Mareykanka oo Lacag u balan qaaday Soomaaliya

Dowladda Mareykanka ayaa ku dhawaaqday in Malaayiin dollar ay ugu deeqeyso dadka ay Abaaruhu saameeyeen ee kunool dalalka Soomaaliya, Nigeria, Suudaanta Koofureed iyo sidoo kale dalka Yemen.

Madaxweyne Trump oo ka qeyb galayay Shirka G20 ee dalka Jarmalka ayaa ku dhawaaqay deeqdaasi oo uu sheegay in ay muhiim u tahay Nolasha dad badan oo xilligaan ku jira Dhibaato Culus.

Sidoo kale Madaxweyne Donald Trump ayaa xusay in dalalka Caalamka laga doonaayo in ay caawiyaan dalalkaasi oo uu sheegay in ay halakeeyeen Abaaraha iyo dagaalada aan joogsiga laheyn.

Lacagtaan ayaa dhan 639 Milyan oo dollar.

Soomaaliya ayaa waxaa kusoo aadeysa in ka badan 100 Milyan oo dollar, waxaana lacagtaasi lasoo marsiin doonaa Hay’adaha Gargaarka u qaabilsan Qaramada Midoobey.

The post Mareykanka oo Lacag u balan qaaday Soomaaliya appeared first on Ilwareed Online.

You might also like More from author