Mareykanka oo caawa duqeeyay saldhig Al-Shabaab ku lahaayeen Shabeellaha Hoose

#Ilwareed Online – #

Ciidamada Mareykanka ayaa maqrabnimadii caawa Saacadu marka ay ahyed 06:00-PM waxa ay Duqeyn ka fuliyeen Saldhig ururka Al-shabaab ay ku lahaayeen Gobolka Shabeellaha Hoose.

Duqeyntan oo ay fuliyeen Diyaaradaha Droneska ee Mareykanka ayaa waxa ay si gaar ah uga dhacday saldhiga Shabaab ay ku lahaayeen degaanka Yaaq-bari oo ka tirsan Gobolka Shabeellaha Hoose.

Saraakiil ka tirsan Ciidanka Xoogga dalka ee Ciidamada Mareykanka kala Shaqeeya dhanka Howlgalada gaarka ah ayaa Idaacada Codka Ciidamada Qalabka sida u Xaqiijiyay in Duqeynta ay ka dhacday bar Kontarool oo Al-shabaab ku lahayeen Degaanka Yaaq-bari Weyne.

Saraakiisha ayaa waxa ay sheegeen Duqeyntan in lagu dilay ilaa Lix Dagaalame oo ka tirsan ururka Al-shabaab, kuwaasi oo ku sugnaa saldhiga lagu duqeeyay.

Mareykanka ayaa maalmahan dambe kordhiyay Duqeymaha uu ka fulinayon gudaha Soomaaliya, ee uula beegsanayo saldhigayada Shabaab ee Gobolada dalka ay ku leeyihiin.

Mogadishu – Somalia

Wixii warbixin ah waxaad noogu soo diri kartaa email: ilwareednet@gmail.com
fadlan like saar boggeena facebook : #ilwareedonline

The post Mareykanka oo caawa duqeeyay saldhig Al-Shabaab ku lahaayeen Shabeellaha Hoose appeared first on Ilwareed Online.

You might also like More from author