Dowladda Soomaaliya oo ka noqotey heshiisyadii ay kula jirtay dhammaan shirkadaha gaarka ah

Ilwareed Online –

Dawladda Federaalka Soomaaliya ayaa gabi ahaanba ka baxday heshiisyadii ay kula jirtey dhamaan shirkadaha sida gaarka ah loo leeyahay ee bixiya adeegyada kala duwan ee Dawladda loo sameeyo.

Wareegto ka soo baxday Xafiiska Wasiirka Wasaaradda Maaliyadda Soomaaliya Xildhibaan C/raxmaan Ducaale Bayle oo ku kala socotay guud ahaan Wasaaradaha Dalka, isla markaana la ogeysiiyay Madaxweynaha, Raiisul wasaaraha, Hanti dhawraha Qaranka, Xisaabiyaha Guud iyo Hay’adaha kale ee Wadanka ayaa lagu cadeeyay laga bilaabo 31 July inay xukuumadda Federaalka ka baxday dhamaan heshiisyadii ay kula jirtey shirkadaha sida qaaska ah loo leeyahay, wareegtadaasi oo soo baxday 29/6/2017 ayaa shirkadaahaasi waxaa loogu qabtey muddo labba Maalin oo qura.

Waregtadaasi ayaa lagu farey Waaxda Canshuuraha Berriga ee Wasaaaradda Maaliyadda inay la wareegtio idil ahaan shaqooyiinkii ay hayeen shirkadahaasi, amarkaan ayaan saameyn doonin shirkadaha Turkiga ee maamula Garoonka Diyaardaha iyo Dekadda Muqdisho, kuwaasi oo wareegtada lagu sheegay inaaney ku jirin kuwa heshiisyada looga baxay.

Berri ayaa la hadal hayaa in wareegtadaasi la hor geeyo oo looga doodo shirka khamiislaha ah oo ay isugu yimaadaan Golaha Wasiirada Soomaaliya, Waa markii ugu horeysay ee amar sidaa u weyn uu ka soo baxo Xukuumada Xasan Cali Kheyre, lama oga sida uu amarkaan u fuli doono.
Shirkadaha heshiiska looga baxay oo dhmaantood ay Soomaali leedahay waxay kala yihiin:-

1- .Shirkadda Visooyinka, 2-.Shirkadda Pasaporka, 3- Shirkadda Lesinada iyo Taargooyinka,

4- Shirkadda Tresmitralaha, 5- Shirkadda Gaadiidka Airporka, 6- Shirkadda Sameysa Shahaadooyinka
7-Shirkadda Notaayoyinka/Superlogoyinka, 8- Shirkadda Quality Controlka, 9-. Shirkadda PGM ee Dekadda
11- Shirkadda Scanka Dekadda, 12-Shirkadda Shatiyada kala duwan, 13- Shirkadda Sameyso Dhalashada iyo Kaarka Aqoonsiga. 14- Shirkadda Canshuuraha Guryaha, 15 Shirkadda Shidaalka siisa Ciidanka,
16 Shirkadda Raashinka iyo Cuntada siisa Police-ka, 17 – Shirkadda Shidaalka siiso Gobolka Banaadir.

HOOS KA AQRI WAREEGTADA KA SOO BAXADAY WAASARAADA MAALIYADDA….

Fiiro Gaar ah:- Waaxda Canshuraha Berriga ayaa dhamaan masuul ka ah daqliga Dalka soo gala marka laga reebo daqliga ka yimada Dekadda iyo Airporka (Customers-ka).



Mogadishu – Somalia

Wixii warbixin ah waxaad noogu soo diri kartaa email: ilwareednet@gmail.com
fadlan like saar boggeena facebook :
Ilwareed Online

The post Dowladda Soomaaliya oo ka noqotey heshiisyadii ay kula jirtay dhammaan shirkadaha gaarka ah appeared first on Ilwareed Online.

You might also like More from author