Diyaarad Deg Deg Loo Dejiyay Arrimo La Xiriira Argagixiso

Diyaarad kasoo duushay dalka Slovenia kuna socotay UK ayaa si degdeg ah loo dejiyay, ka dib markii duuliyaha loo sheegay in rag saarnaa ay ay ku sheekeysanayeen arrimaha argagixisada, Saddex nin ayaa la xiray habeennimadii Sabtida, kadib markii diyaaradda oo ay leedahay shirkadda Easyjet lagu dejiyay garoonka Cologne-Bonn ee dalka Jarmalka.

Dhammaan 151 rakaab ah oo saarnaa diyaaradda ayaa laga daadgureeyay, waxaana duulimaadka la hakiyay muddo saddex saac ah. Booliska ayaa sidoo kale burburiyay boorso ay wateen raggaasi.

War qoraal ah oo uu soo saaray booliska magaalada Cologne ayuu ku sheegay in qaar ka mid ah rakaabka ay shaqaalaha diyaarada ku wargeliyaan in saddexda nin ay ka sheekaysanayeen argagixisanimo, balse faahfaahin dheeraad ah laguma sheegin qoraalka.Shirkadda Easyjet ayaa sheegtay in duuliyaha uu gaaray go’aanka dejinta diyaaradda, si uu u hubiyo ammaanka rakaabka diyaaradda saaran.

Dhammaan rakaabka diyaaraddaasi ayaa la siiyay meel ay seexdaan, waxaana ay duulimaadkooda dib u billaabayaan saaka oo Axada ah, sida ay shirkadda sheegtay.

The post Diyaarad Deg Deg Loo Dejiyay Arrimo La Xiriira Argagixiso appeared first on Ilwareed Online.

You might also like More from author