DEGDEG: Qarax goor dhow ka dhacay magaalada Muqdisho

Ilwareed Online –

Wararka ka imaanaya degmada Hilwaa, gaar ahaan Isgoyska Ex-control Balcad ee magaalada Muqdisho ayaa sheegaya in halkaasi uu ka dhacay qarax Miino.

Miinadan ayaa ahayd sida la sheegay mid dhulka ku aasneyd, waxaana dulmaray gaari nooca raaxada ah oo ay la qaraxday.

Goob jooge ku sugan halka qaraxa uu ka dhacay ayaa inoo xaqiijiyey in Labo ruux oo la socotay gaarigaasi uu dhaawac soo gaaray, iyadoo warar kala duwan laga helayo dadkan iney ahaayeen shacab iyo in kale.

Ciidamada dowladda Federaalka ee ka dhowaa halkaasi ayaa gurmad u fidiyey dadkii dhaawacmay, waxaana sidoo kale ay wadaan baaritaan.

Maamulka degmada Hilwaa iyo saraakiisha ammaanka ee degmadaasi weli faah faahin kama aanay bixin qaraxaasi.


Mogadishu – Somalia

Wixii warbixin ah waxaad noogu soo diri kartaa email: ilwareednet@gmail.com
fadlan like saar boggeena facebook :
Ilwareed Online

The post DEGDEG: Qarax goor dhow ka dhacay magaalada Muqdisho appeared first on Ilwareed Online.

You might also like More from author