Caalim “8-da Kursi Horay Maxkamadda Ayaa U Dhaarisay” Dhageyso

Ilwareed Online –

Diblumaasi Maxamed Maxamuud Caalim ayaa sheegay in guddoomiyaha maxkamadda sare uu dhaariyay 8-da kursi ee hadda maxkamaddu diidan tahay.

Wareysi uu siiyay Goobjoog News ayuu ku sheegay in arrinta la isku hayo ay tahay qalad siyaasadeed oo uu horay u galay guddoomiyaha maxkamadda sare ee dalka Ibraahim Iidle Saleebaan.

“8-da xildhibaan oo la isku heysto dhammaantood waxa weeye xildhibaanno la dhaariyay oo ka qeyb galay doorashadii madaxweynaha, oo maxkamadda sare oo hadda diiddan uu dhaariyay Ibraahim Iidle Suleymaan, waxaa moodda arrinta arrin siyaasad laga leeyahay oo dowladda markii ay horumar gaarto kooxo dano gaar ah leh ay jiraan, guddoomiyaha maxkamadda sare sidee buu u dhaariyay xildhibaanno la isku heysto” ayuu yiri Diblumaasi Maxamed Maxamuud.

Waxa uu sheegay in guddoomiyaha maxkamadda sare ay horay u dhaarisay xildhibaannada kuraastooda iminka uu muranka ka jiro arrintanina ay noqon karto mid siyaasado kale ay ka dambeeyaan.

Arrintani oo ka dhex aloosan  baarlamaanka iyo maxkamadda sare ayaa hadana dastuurka dalka u degsan waxaa ku qoran in labadaasi hay’adood ee golaha sharci dejinta iyo garsoorka ay kala madaxbannaan yihiin.

http://goobjoog.com/wp-content/uploads/2017/08/WAREYSI-DIBLUMASI-MAXAMED-MAXAMUUD-03-08-2017.mp3



Mogadishu – Somalia

Wixii warbixin ah waxaad noogu soo diri kartaa email: ilwareednet@gmail.com
fadlan like saar boggeena facebook :
Ilwareed Online

The post Caalim “8-da Kursi Horay Maxkamadda Ayaa U Dhaarisay” Dhageyso appeared first on Ilwareed Online.

You might also like More from author