Taliyihii Ciidamada dowladda ee gobolka Gedo oo dhawaan isku dhiibay Xoogaga Al-shabaab ayaa markii ugu horeeysay ka warbixiyay sababihii dhaliyay is dhiibitaankiisa.
Xasan Daahir Yaroow (Xasan Dheere) oo ahaa Taliyihii ciidanka Booliska gobolka Gedo ee dowladda KMG Soomaaliya oo maalmo ka hor isku dhiibay Xoogaga Al-shabaab ee gacanta ku haya Magaalada Balad Xaawo ayaa ka warbixiyay sababaha ku kalifay in uu isku soo dhibo xoogaga Al-Shabaab, isagoo dhinaca kale farriin u diray saraakiisha dowladda ee wali ku sugan degmada Doolow.
Isagoo u waramayay warbaahinta ayaa Xasan Dheere waxaa uu meesha ka saaray warar la isla dhexmarayay maalmahaan oo ku saabsanaa in uu isku soo dhiibay xoogaga Al-Shabaab ee Magaalada Balad Xaawo, waxaana uu ka warbixiyay sababa ku kalifay in uu Balad Xaawo soo gaaro in ay la xariirto heshiis iyo wadahadalo in mudo ah u dhaxeeyay isaga iyo xoogaga Al-Shabaab oo ku aadan in uu halkaasi isaga tago taasoo uu sheegay in ay iska ka aqbalay.
Xasan Dheere mar la weydiiyey su'aal ku aadanayd in uu jiro qilaaf soo kala dhex galay isaga iyo masuuliyiinta ku sugan degmada Doolow oo ku saabsan dhinaca fikradaha ayuu sheegay in aysan jirin wax qilaaf ah oo kala dhaxeeya masuuliyiinta degmadaasi sababta uu halkaasi uga soo tagayna ay tahay in uu u adkeeysan waayay xaaladda murugsan ee ka taagan dalka Soomaaliya iyo cabsi uu kaga baqayo ciidamada Ethiopia in ay waxyeelo kaga timaado.
Waxaa uu sheegay in uu farriin u dirayo masuuliyiinta kale ee ku sugan degmada Doolow taasoo ku aadan in ay isaga soo tagaan halkaasi si ay uga qeyb qaataan howlaha lagu nabdeynayo bulshada ku dhaqan gobolka Gedo.
Back
to home
Bottom
of the Page
Top
of the Page
Iimaanka iyo Qeybihiisa 